2021/2022 йилги мавсумда Бундеслиганинг энг яхши футболчисига айланган «РБ Лейпциг» ярим ҳимоячиси Кристофер Нкунку келажаги ҳақида гапирди.

«ПСЖ» менинг уй клубим бўлган, севимли жамоам. Мен ҳеч қандай эшикни ёпмайман. Футболда ҳамма нарса бўлиши мумкин.

Дунёнинг энг йирик клублари менга қизиқиш билдираётгани қувонарли. Аммо «Лейпциг» мени жамоада сақлаб қолиш учун ҳамма нарсани қилаётганини кўриш ҳам қувонарли», - дея Нкункунинг сўзларидан иқтибос келтиради журналист Фабрицио Романо.

Нкунку лиганинг 34 та ўйинида 20 та гол урди ва 15 та голли узатмани амалга оширди. Олдинроқ «Ливерпуль» Нкункуни Муҳаммад Салоҳга ўринбосар сифатида сотиб олишни кўриб чиқиши мумкинлиги хабар қилинганди. Нкунку «ПСЖ» тарбияланувчиси ҳисобланади.