"Vilyarreal" himoyachisi Pau Torres klubni tark etishi haqidagi xabarlarni inkor qildi.

“Menga o‘zim xohlagan joyda bo‘lish qulay. "Vilyarreal"dagi so‘nggi ikki mavsum juda yaxshi o‘tdi, biz Yevropaning eng yaxshi klublari bilan raqobatlashdik.

Agar siz buni o‘z shahringiz klubining bir qismi sifatida qilsangiz, bu ikki baravar yaxshi bo‘ladi", - deya Torresdan iqtibos keltiradi Marca.

Oldinroq 25 yoshli ispaniyalik futbolchiga "Manchester Yunayted", "Chelsi" va "Manchester Siti" klublaridan qiziqishlar borligi haqida xabarlar tarqalgan edi.

Torresning "Vilyarreal" bilan shartnomasi 2024 yilning iyunigacha amal qiladi.

Joriy mavsumda u "sariq suv osti kemasi" tarkibida 47 ta o‘yin o‘tkazib, 6 ta gol urdi va 1 ta golli uzatmani amalga oshirdi.