"Вильярреал" ҳимоячиси Пау Торрес клубни тарк этиши ҳақидаги хабарларни инкор қилди.
“Менга ўзим хоҳлаган жойда бўлиш қулай. "Вильярреал"даги сўнгги икки мавсум жуда яхши ўтди, биз Европанинг энг яхши клублари билан рақобатлашдик.
Агар сиз буни ўз шаҳрингиз клубининг бир қисми сифатида қилсангиз, бу икки баравар яхши бўлади", - дея Торресдан иқтибос келтиради Marca.
Олдинроқ 25 ёшли испаниялик футболчига "Манчестер Юнайтед", "Челси" ва "Манчестер Сити" клубларидан қизиқишлар борлиги ҳақида хабарлар тарқалган эди.
Торреснинг "Вильярреал" билан шартномаси 2024 йилнинг июнигача амал қилади.
Жорий мавсумда у "сариқ сув ости кемаси" таркибида 47 та ўйин ўтказиб, 6 та гол урди ва 1 та голли узатмани амалга оширди.
