Yarim himoyachi Isko "Real"ni tark etishini e’lon qildi.
“To‘qqiz yil o‘tib, klubdagi faoliyatim nihoyasiga yetmoqda. Bu klub menga kichkinaligimda orzu qilgan barcha orzularimni amalga oshirishga imkon bergan.
Men tasavvur qilganimdan ko‘ra ko‘proq unvonlarni qo‘lga kiritish orzusini ro‘yobga chiqarishdan tashqari, ular menga eng buyuklar bilan o‘ynash, ajoyib odamlar bilan uchrashish imkoniyatini berdi.
Men juda yaxshi vaqt o‘tkazdim va buni mendan hech kim tortib ololmaydi! Chunki barcha yaxshi narsalarni albatta eslab qolaman. Umid qilamanki, siz ham shunday qilasiz!”, - deb yozdi Isko.
Shuningdek, u jamoadoshlari, murabbiylar, murabbiylar shtabi, tayanch ishchilariga mehnatlari va qo‘llab-quvvatlashlari uchun minnatdorchilik bildirdi.
Eslatib o‘tamiz, yarim himoyachi "Real"ga 2013 yilda "Malaga"dan kelib qo‘shilgan edi. Jamoa tarkibida u besh karra Chempionlar ligasi g‘olibi, uch karra Ispaniya chempioni va UYEFA Superkubogi sohibiga aylandi.