Ярим ҳимоячи Иско "Реал"ни тарк этишини эълон қилди.
“Тўққиз йил ўтиб, клубдаги фаолиятим ниҳоясига етмоқда. Бу клуб менга кичкиналигимда орзу қилган барча орзуларимни амалга оширишга имкон берган.
Мен тасаввур қилганимдан кўра кўпроқ унвонларни қўлга киритиш орзусини рўёбга чиқаришдан ташқари, улар менга энг буюклар билан ўйнаш, ажойиб одамлар билан учрашиш имкониятини берди.
Мен жуда яхши вақт ўтказдим ва буни мендан ҳеч ким тортиб ололмайди! Чунки барча яхши нарсаларни албатта эслаб қоламан. Умид қиламанки, сиз ҳам шундай қиласиз!”, - деб ёзди Иско.
Шунингдек, у жамоадошлари, мураббийлар, мураббийлар штаби, таянч ишчиларига меҳнатлари ва қўллаб-қувватлашлари учун миннатдорчилик билдирди.
Эслатиб ўтамиз, ярим ҳимоячи "Реал"га 2013 йилда "Малага"дан келиб қўшилган эди. Жамоа таркибида у беш карра Чемпионлар лигаси ғолиби, уч карра Испания чемпиони ва УЕФА Суперкубоги соҳибига айланди.
