"PSJ" hujumchisi Lionel Messi "Barselona"da o‘ynagan davri haqida gapirdi.
"Nima bo‘lganini tushunish juda qiyin edi, men "Barselona"ni tark etishni kutmagandim - bu zarba bo‘ldi.
"Barselona"da menda hamma narsa bor edi. Qolaversa Argentinadan ko‘ra Barselonada ko‘proq yashadim. To‘g‘risi, men hech narsani o‘zgartirishni rejalashtirmaganman", - deya Messidan iqtibos keltiradi TyC Sports.
34 yoshli Messi 2021 yil avgust oyida "PSJ"ga o‘tgan va birinchi mavsumdayoq Fransiya chempioniga aylangandi. Parijliklar bilan shartnoma 2023 yilning yoziga qadar mo‘ljallangan.