"Bavariya"ning sobiq rahbari Karl-Xayns Rummenigge 2014 yilda germaniyalik yarim himoyachi Toni Kroosning "Real"ga o‘tishi bilan bog‘liq holatlar haqida gapirdi.
Myunxen klubi boshqaruvining sobiq rahbari "Bavariya" Toni Kroos bilan bog‘liq vaziyatda noto‘g‘ri ish qilganiga ishonmayapti. Nemis futbolchisi Madrid klubiga 25 million yevro evaziga o‘tgan edi.
"Uning agenti "Bavariya"dan shunchalik ko‘p mablag‘ talab qildiki, biz bu talablarni qondira olmadik. Biz uning faoliyatini muhokama qilishimiz shart emas. U shubhasiz g‘ayrioddiy futbolchi", - dedi Rummenigge.
Toni Kroos joriy mavsum “Real” safida 45 ta o‘yinda maydonga tushdi. U uchta gol urdi va uchta golli uzatmani amalga oshirdi.