PSV yarim himoyachisi Mario Gyotse faoliyatini "Milan"da davom ettirishi mumkin, deya xabar beradi jurnalist Patrik Berger.
Manbaning xabariga ko‘ra, Italiya klubi rahbariyati futbolchining vakillari bilan allaqachon muzokara o‘tkazgan. Nemis futbolchisiga "Milan"dan tashqari Lissabonning "Benfika" klubi ham qiziqish bildirmoqda.
29 yoshli yarim himoyachining Gollandiya klubi bilan shartnomasi 2024 yilning yoziga qadar amal qiladi. Futbolchining shartnomasida 4-5 million yevro miqdorida tovon puli to‘lash bandi bor. Transfermarkt Gyotseni 12 million yevroga baholagan.
Yarim himoyachi o‘tgan mavsumda PSV safida 52 o‘yinda maydonga tushib, 12 gol urgan va 11 golga assistentlik qilgan.
Eslatib o‘tamiz, futbolchi avvalroq Myunxenning "Bavariya" va "Borussiya Dortmund" kabi klublarni himoya qilgan. Shuningdek, u JCH-2014 finali doirasidagi Germaniya - Argentina uchrashuvi (1:0) g‘alaba goli muallifi hisoblanadi.