Madridning “Real” klubi “Monako” yarim himoyachisi Orlyen Tchuameni bilan shartnoma imzolash ishlarini davom ettirmoqda.
Transferni amalga oshirish uchun "Madrid" bosh murabbiyi Karlo Anchelotti shaxsan o‘zi fransiyalik futbolchiga qo‘ng‘iroq qilib, yarim himoyachi "Real"ga o‘tishga ko‘ndirishga harakat qildi. Shuningdek unga "PSJ" va "Liverpul" jiddiy qiziqish bildirgan.
Anchelotti Tchuameniga jamoaning muhim futbolchisiga aylanishi va kelajagi buyuk bo‘lishi mumkinligini aytdi.
Natijada futbolchi "qaymoqranglilar" bilan 5 yillik shartnomaga rozi bo‘ldi. Endi klublar kelishib olishlari kerak.
"Qirollik klubi" Orlyen uchun 100 million yevro taklif qildi. Muzokaralar davom etmoqda.