"Bavariya" "Manchester Siti" hujumchisi Raxim Sterlingga qiziqish bildirmoqda, deb xabar beradi The Sun. Futbolchi hali kelajagi borasida bir qarorga kelmagan.
Manbaga ko‘ra, "Bavariya" 27 yoshli angliyalik futbolchini jamoani tark etishi mumkin bo‘lgan hujumkor o‘yinchilarga o‘rinbosar sifatida ko‘rmoqda. Sterling "Siti" bilan yangi shartnoma borasida kelisha olmayapti. Unga shuningdek "Real" va "Chelsi" ham faol qiziqish bildirmoqda.
Shu bilan birga, futbolchi kelajagi borasida Angliya terma jamoasining Millatlar ligasidagi o‘yinlaridan so‘ng qaror qabul qilishi kutilmoqda.
Raxim o‘tgan mavsumda "Manchester Siti" safida barcha turnirlar doirasida 47 ta o‘yinda maydonga tushib, 17 ta gol urdi va 9 ta golli uzatmani amalga oshirdi. Hujumchining klub bilan shartnomasi 2023 yilning 30 iyuniga qadar amal qiladi.