"Бавария" "Манчестер Сити" ҳужумчиси Рахим Стерлингга қизиқиш билдирмоқда, деб хабар беради The Sun. Футболчи ҳали келажаги борасида бир қарорга келмаган.
Манбага кўра, "Бавария" 27 ёшли англиялик футболчини жамоани тарк этиши мумкин бўлган ҳужумкор ўйинчиларга ўринбосар сифатида кўрмоқда. Стерлинг "Сити" билан янги шартнома борасида келиша олмаяпти. Унга шунингдек "Реал" ва "Челси" ҳам фаол қизиқиш билдирмоқда.
Шу билан бирга, футболчи келажаги борасида Англия терма жамоасининг Миллатлар лигасидаги ўйинларидан сўнг қарор қабул қилиши кутилмоқда.
Рахим ўтган мавсумда "Манчестер Сити" сафида барча турнирлар доирасида 47 та ўйинда майдонга тушиб, 17 та гол урди ва 9 та голли узатмани амалга оширди. Ҳужумчининг клуб билан шартномаси 2023 йилнинг 30 июнига қадар амал қилади.
