"Manchester Yunayted" va Angliya terma jamoasi himoyachisi Garri Maguayr muxlislar tanqidini qanday qabul qilishi haqida gapirdi.

“Meni yaxshiroq o‘ynay olishimni aytadigan insonlar borligini tushunadigan yoshdaman. Lekin hamma narsaning chegarasi bor, hammamiz insonmiz, mening ham oilam bor.

Ular mendan bu menga ta’sir qiladimi, deb so‘rashadi, lekin mening fe’l-atvorim bilan bu menga unchalik ta’sir qilmasligini aytaman, lekin bomba tahdidi haqidagi gap mening oilam haqida ketmoqda. Farzandlarim hali bu narsalarni o‘qimaganidan xursandman”, dedi Maguayr The Telegraph nashriga.

Avvalroq Maguayrga elektron xat kelgan bo‘lib, unda u rafiqasi va ikki farzandi bilan yashayotgan uyda portlash sodir bo‘lishi mumkinligi aytilgan edi. "Manchester Yunayted" futbolchisi yordam so‘rab Cheshir polisiyasiga murojaat qilgan, ular uyni itlar yordamida tintuv qilgan, ammo hech narsa topa olmagan.