"Liverpul" klubi yarim himoyachi Nabi Keyta bilan shartnomani uzaytirmoqchi, deya xabar beradi The Athletic.
Manbaga ko‘ra, mersisaydliklar amaldagi shartnomasi 2023 yilning iyun oyi oxirigacha amal qiladigan 27 yoshli gvineyalik futbolchini o‘zida saqlab qolmoqchi.
Keyta "qizillar"da 2018 yilning iyulidan beri to‘p tepadi.
Futbolchi 2021/22-yilgi mavsumda jamoasi safida 40 ta o‘yinda maydonga tushib, 4 ta gol urdi va 3 ta golli uzatmani amalga oshirdi.