"Lill" himoyachisi Sven Botman "Milan" va "Nyukasl" klublarining qiziqishlari haqida fikr bildirdi.
"Bilmayman, o‘ylaymanki, "Lill" uchun oxirgi o‘yinni o‘tkazdim. Men oldinga qadam tashlash niyatidaman. Raqobat kuchli joyda o‘ynashni xohlayman. Mening qarorimga nafaqat jamoa o‘ynaydigan turnirlar, balki klubdagi muhit ham ta’sir qiladi", - deya Botmanning so‘zlarini keltiradi Algemeen Dagblad.
Botman joriy mavsumda klub safida 29 ta o‘yinda maydonga tushib, 3 ta gol urgan.
Uning "Lill" bilan shartnomasi 2025 yilning iyunigacha amal qiladi. Transfermarkt portali himoyachini 30 million yevroga baholamoqda.