"Лилль" ҳимоячиси Свен Ботман "Милан" ва "Ньюкасл" клубларининг қизиқишлари ҳақида фикр билдирди.
"Билмайман, ўйлайманки, "Лилль" учун охирги ўйинни ўтказдим. Мен олдинга қадам ташлаш ниятидаман. Рақобат кучли жойда ўйнашни хоҳлайман. Менинг қароримга нафақат жамоа ўйнайдиган турнирлар, балки клубдаги муҳит ҳам таъсир қилади", - дея Ботманнинг сўзларини келтиради Algemeen Dagblad.
Ботман жорий мавсумда клуб сафида 29 та ўйинда майдонга тушиб, 3 та гол урган.
Унинг "Лилль" билан шартномаси 2025 йилнинг июнигача амал қилади. Transfermarkt портали ҳимоячини 30 миллион еврога баҳоламоқда.
