Gandbol bo‘yicha O‘zbekiston terma jamoasi 30 iyuldan 10 avgustga qadar Shimoliy Makedoniya davlatining Skope shahrida o‘tkaziladigan Jahon chempionatida qatnashadi.

Shu yilning mart oyida Qozog‘istonda U-18 qizlar o‘rtasida gandbol bo‘yicha tashkil etilgan Osiyo chempionatida O‘zbekiston terma jamoasi o‘z tarixida ilk bor bronza medaliga sazovor bo‘lgan edi.

Binobarin, ushbu muvaffaqiyatda BO‘SM tarbiyalanuvchilari – Bonu Erkaboyeva, Sevinch Erkaboyeva va Zulayho Marimboyeva va ularning treneri Mansur Bobojonovning munosib ulushi bor. Asosiysi, mazkur yutuq terma jamoamizga jahon chempionatida ishtirok etish imkonini yaratdi.

Gandbol bo‘yicha O‘zbekiston qizlar terma jamoamiz 30 iyuldan 10 avgustga qadar Shimoliy Makedoniya davlatining Skope shahrida o‘tkaziladigan jahon chempionatida ishtirok etadi.

Ma’lumot uchun: ushbu musobaqada jami 32 ta – Yevropadan 20 ta, Osiyodan 5 ta, Afrikadan 4 ta va Markaziy Amerikadan 3 ta terma jamoa chempionlik uchun maydonga tushadi.