AQSHning Nevada shtati Las-Vegas shahrida 4 iyundan 5 iyunga o‘tar kechasi UFC Vegas 56 musobaqasi bo‘lib o‘tadi.

Mazkur kechada o‘zbekistonlik UFC jangchisi Zarrux Adashev ham o‘z jangini o‘tkazadi. Zarruxga yamaylik Ode Osborn raqiblik qiladi.

Adashev UFC’dagi so‘nggi jangini amerikalik Rayan Benuaga qarshi o‘tkazgan va g‘alaba qozongandi. Osborn esa so‘nggi bor 2021 yilning noyabr oyida Sijey Vergaraga qarshi oktagonga chiqib, ochkolar hisobiga raqibini mag‘lub etgan.

Kechaning asosiy jangi esa Aleksandr Volkov va Jairzinyo Rozenstruyk o‘rtasida kechadi. Musobaqa Toshkent vaqti bilan 22:00 da boshlanadi. Asosiy kardning starti 01:00 ga mo‘ljallangan. Adashev ishtirokidagi jang, taxminan, 01:15 dan so‘ng boshlanadi.

UFC Vegas 56 musobaqaning janglar ro‘yxati bilan tanishing:

Asosiy kard:

— Aleksandr Volkov—Jairzinyo Rozenstruyk
— Den Ige—Movsar Yevloyev
— Mayk Trizano—Lukas Almeyda
— Karina Silva—Politano Botelyo
— Ode Osborn—Zarrux Adashev
— Alonzo Menifild—Askar Mojarov.

Prelim kard:

— Feliks Herrig—Karolina Kovalkevich
— Jo Solekski—Aleks da Silva Koelyo
— Deymon Jekson—Den Argueta
— Niklas Shtolse—Benua Seynt-Denis
— Jonni Munyos—Toni Greyvli
— Jeff Molina—Jalgas Jumagulov
— Rinat Faxritdinov—Andreas Mixaylidis
— Erin Blenchfild—Jey Jey Oldrich.