"Udineze" hujumchisi Jerar Deulofeu "Napoli"ga o‘tishga yaqin turibdi, deya xabar beradi Calciomercato.

Manbaga ko‘ra, 28 yoshli ispaniyalik neapolliklar bilan shartnoma shartlarini kelishib olgan. Qayd etilishicha, futbolchi 2 million yevro maosh va o‘yiniga qarab bonuslar bilan uzoq muddatli shartnoma imzolaydi.

Ushbu transfer "Napoli"ga 15-16 million yevroga tushishi mumkin.

2021/22 yilgi mavsumda Deulofeu “Udineze” safida 35 ta o‘yinda maydonga tushib, 13 ta gol urdi va 5 ta golli uzatmani amalga oshirdi.

Transfermarkt.com portali hujumchining narxini 10 million yevroga baholamoqda.