"Barselona" klubi va yarim himoyachi Gavi o‘rtasidagi yangi shartnoma borasida muzokaralar sust ketayotganidan boshqa klublar foydalanib qolishi mumkin.
Hozircha kataloniyaliklar 17 yoshli futbolchi bilan kelisha olishmayapti. Jamoa taklif qilayotgan maosh Gavini qanoatlantirmayapti. Bu vaziyatni esa "Milan" diqqat bilan kuzatmoqda. Futbolchi "ko‘k-anorranglilar" bilan yangi shartnomaga imzo chekishdan bosh tortsa, "rossoneri" "Barsa" bilan transfer borasida muzokaralarga kirishadi.
Gavi yakunlangan mavsumda "Barselona" safida barcha musobaqalar doirasida 47ta o‘yinda maydonga tushib, 2 gol va 6 assist muallifiga aylandi.