«Bavariya» prezidenti Gerbert Xayner hujumchi Robert Levandovski jamoani tark etmasligini yana bir marta takrorladi.

"Levandovskining shartnomasi 2023 yilning 30 iyuniga qadar tuzilgan. Shartnoma – bu shartnoma! Agar shartnoma hech qanday ahamiyatga ega bo‘lmasa, o‘yinchi qayoqqa ketishni o‘zi hal etsa, unda biz bu yerda nima qilib o‘tiribmiz? Shu bilan birga klub oxirgi kungacha unga maosh to‘lashi kerakmi? Bu adolatdan emas. Bunday bo‘lmasligi kerak.

Robert omma oldida bayonot berishga qaror qildi. Uning o‘rnida bo‘lganimda men o‘zimni bunday tutmagan bo‘lardim. U anchadan beri «Bavariya» safida to‘p tepyapti, ko‘plab sovrinlarni yutdi, ikki marta jahonning eng yaxshi futbolchisiga aylandi.

«Bavariya» unga nimalar berganini yaxshi tushanadi, deb o‘ylayman. Bu klub o‘z o‘yinchilari bilan yaxshi munosabatda bo‘ladi va ular maydonda maksimum natija ko‘rsatishlari uchun barcha ishni qiladi. Shu bois, minnatdorchilik ikki tomondan baravar bo‘lishi kerak.

– Shuncha gap-so‘zlardan keyin Levandovski «Bavariya»da qolib, yaxshi o‘yin ko‘rsata oladimi?
– Bu borada xavotirim yo‘q. Robert – haqiqiy professional, u futbol o‘ynashni istaydi.

– Levandovski keyingi yilning yozida «Bavariya»ni bepul tark etishidan klub xavotir olmayaptimi?
– Bixtimizga, bizda iqtisodiy muammolar yo‘q. Jamoaga eng yaxshi futbolchilarni olib kelishga harakat qilamiz. Robert esa eng yaxshilaridan biri. Shuning uchun keyingi mavsumda u "Bavariya"da o‘ynashiga ishonchim komil.

33 yoshli futbolchi joriy mavsumda «Bavariya» safida barcha musobaqalar doirasida 50ta o‘yinda ishtirok etib, 46ta gol urdi.