"Manchester Siti" hujumchisi Rahim Sterling "shaharliklar"ni tekinga tark etmoqchi, deb xabar beradi Mirror.

Manba bergan ma’lumotlarga ko‘ra, ingliz klubi hujumchi bilan shartnomani bir yil davomida uzaytirishga urinib ko‘rgan, ammo natija bo‘lmagan.

Sterlingning "Manchester Siti" bilan amaldagi shartnomasi kelasi yili tugaydi va 27 yoshli hujumchi yana bir mavsum klubda qolib, keyin tekinga ketish haqida o‘ylamoqda.

Raximga "Tottenxem" va "Arsenal" qiziqish bildirmoqda, ammo futbolchi o‘zini xorijda sinab ko‘rmoqchi.

Eslatib o‘tamiz, vinger 2015 yilda "Manchester Siti"ga o‘tgan edi.

Hujumchi joriy mavsumda APLda 30 ta o‘yinda maydonga tushib, 13 ta gol urdi va 5 ta golga assistentlik qildi.