Fabrisio Romanoning so‘zlariga ko‘ra, "Bavariya" "Liverpul" bilan hujumchi Sadio Manening transferi borasida yangi muzokaralar olib bormoqda.

30 yoshli senegallikning o‘zi Myunxendan klubga o‘tishga rozi. Biroq jamoalar haligacha transfer shartlari bo‘yicha kelisha olishmadi.

Oldinroq myunxenliklar vinger uchun taxminan 27 million yevro to‘lashga tayyor ekani xabar qilingandi. Biroq “Liverpul” bu taklifni rad etdi.

O‘tgan mavsumda Mane "qizillar" safida 50 ta o‘yinda maydonga tushib, 23 ta gol urdi va 5 ta golga assistentlik qildi.

Hujumchining ingliz klubi bilan shartnomasi 2023 yilning 30 iyuniga qadar amal qiladi.