Фабрицио Романонинг сўзларига кўра, "Бавария" "Ливерпуль" билан ҳужумчи Садио Маненинг трансфери борасида янги музокаралар олиб бормоқда.
30 ёшли сенегалликнинг ўзи Мюнхендан клубга ўтишга рози. Бироқ жамоалар ҳалигача трансфер шартлари бўйича келиша олишмади.
Олдинроқ мюнхенликлар вингер учун тахминан 27 миллион евро тўлашга тайёр экани хабар қилинганди. Бироқ “Ливерпуль” бу таклифни рад этди.
Ўтган мавсумда Мане "қизиллар" сафида 50 та ўйинда майдонга тушиб, 23 та гол урди ва 5 та голга ассистентлик қилди.
Ҳужумчининг инглиз клуби билан шартномаси 2023 йилнинг 30 июнига қадар амал қилади.
