"Bavariya" muzokaralarning navbatdagi bosqichida hujumchi Sadio Mane bo‘yicha "Liverpul"ga taklifni yaxshilash niyatida, deb xabar beradi Sky Sports Deutschland.
Manbaga ko‘ra, myunxenliklar klubi 30 yoshli senegallik uchun taklif qilingan summani 30-35 million yevrogacha oshiradi.
Oldinroq "Liverpul" hujumchini 27 million yevroga sotishdan bosh tortgani haqida xabar berilgandi.
O‘tgan mavsumda Mane mersisaydliklar safida barcha musobaqalarda 50 ta o‘yinda maydonga tushib, 23 ta gol urdi va 5 ta golga assistentlik qildi.
Hujumchining klub bilan shartnomasi 2023 yilning 30 iyuniga qadar amal qiladi.
