"Бавария" музокараларнинг навбатдаги босқичида ҳужумчи Садио Мане бўйича "Ливерпуль"га таклифни яхшилаш ниятида, деб хабар беради Sky Sports Deutschland.
Манбага кўра, мюнхенликлар клуби 30 ёшли сенегаллик учун таклиф қилинган суммани 30-35 миллион еврогача оширади.
Олдинроқ "Ливерпуль" ҳужумчини 27 миллион еврога сотишдан бош тортгани ҳақида хабар берилганди.
Ўтган мавсумда Мане мерсисайдликлар сафида барча мусобақаларда 50 та ўйинда майдонга тушиб, 23 та гол урди ва 5 та голга ассистентлик қилди.
Ҳужумчининг клуб билан шартномаси 2023 йилнинг 30 июнига қадар амал қилади.
