«Барселона» ярим ҳимоячиси Френки де Йонг жорий ёзда клубни тарк этиши мумкин. Бу ҳақда Sport нашри хабар берди.

Манба маълумотига кўра, нидерландиялик футболчи атрофидаги вазият унинг тиззасидан олган жароҳати сабаб яна мураккаблашган. Де Йонг жарроҳлик амалиётини ўтказиш ўрнига консерватив даволаниш усулини танлаган.

29 ёшли ярим ҳимоячига хориж клублари аллақачон қизиқиш билдирмоқда. Унинг эҳтимолий харидорлари қаторида Туриннинг «Ювентус» клуби ҳам тилга олинган.

«Барселона» Де Йонгни мавсум охирига қадар кейинчалик сотиб олиш ҳуқуқи билан ижарага бериш вариантини ҳам кўриб чиқиши мумкин.

Манбага кўра, бундай келишув каталонияликларга футболчининг юқори маоши билан боғлиқ харажатларни қисман камайтириш ва таркибни кучайтириш учун қўшимча маблағ ажратиш имконини беради.

Ўтган мавсумда Де Йонг барча мусобақалар доирасида 38 та учрашувда майдонга тушиб, 1 та гол урди ва 8 та голли узатмани амалга оширди.