"Udineze" himoyachisi Rodrigo Bekao faoliyatini APLda davom ettirishi mumkin, deya xabar beradi Tutto Udinese.
Manbaning xabariga ko‘ra, 26 yoshli braziliyalik futbolchiga "Tottenxem" va "Everton" klublari qiziqmoqda. Qayd etilishicha, Italiya klubi futbolchini 20 million yevroga sotishga tayyor.
2021/22-yilgi mavsumda Bekao “Udineze” tarkibida 36 ta o‘yinda maydonga tushib, 2 ta gol urdi va 1 ta golli uzatmani amalga oshirdi. Transfermarkt.com portali himoyachining narxini 5 million yevroga baholamoqda.













