"Shaxtyor"ning o‘ng qanot himoyachisi, braziliyalik Dodo "Barselona"ning qiziqish doirasiga tushib qoldi. Bu haqda Diario Sport xabar bermoqda.
Manbaga ko‘ra, 23 yoshli braziliyalik himoyachi himoyaning o‘ng qanotini kuchaytirish uchun "Barselona" rahbariyatiga ustuvor nomzod hisoblanadi.
Braziliyalik himoyachining Donesk klubi bilan shartnomasi 2025 yilning yoziga qadar mo‘ljallangan. Shunga qaramay, futbolchi yozgi transfer oynasida klubini o‘zgartirishga ahd qilgan.
Kataloniya klubi Dodo o‘z salohiyati bo‘yicha Dani Alveshdan qolishmaydi, deb hisoblamoqda.
Shuningdek, braziliyalik futbolchiga "Bavariya", "Real", "Fiorentina" va "Tottenxem" kabi klublar qiziqish bildirayotgani qayd etilgan.
O‘tgan mavsumda Dodo "Shaxtyor" safida Ukraina chempionatida 14ta o‘yinda maydonga tushib, 4ta golga assistentlik qilgan.













