"Шахтёр"нинг ўнг қанот ҳимоячиси, бразилиялик Додо "Барселона"нинг қизиқиш доирасига тушиб қолди. Бу ҳақда Diario Sport хабар бермоқда.
Манбага кўра, 23 ёшли бразилиялик ҳимоячи ҳимоянинг ўнг қанотини кучайтириш учун "Барселона" раҳбариятига устувор номзод ҳисобланади.
Бразилиялик ҳимоячининг Донецк клуби билан шартномаси 2025 йилнинг ёзига қадар мўлжалланган. Шунга қарамай, футболчи ёзги трансфер ойнасида клубини ўзгартиришга аҳд қилган.
Каталония клуби Додо ўз салоҳияти бўйича Дани Алвешдан қолишмайди, деб ҳисобламоқда.
Шунингдек, бразилиялик футболчига "Бавария", "Реал", "Фиорентина" ва "Тоттенхэм" каби клублар қизиқиш билдираётгани қайд этилган.
Ўтган мавсумда Додо "Шахтёр" сафида Украина чемпионатида 14та ўйинда майдонга тушиб, 4та голга ассистентлик қилган.
