"Arsenal" jamoasida mavsumning eng yaxshi futbolchisi aniqlandi.
Muxlislar ovoz berish natijalariga ko‘ra, yarim himoyachi Bukayo Saka eng yaxshi deb topildi. Unga respondentlarning 58 foizi ovoz bergan.
20 yoshli futbolchi ketma-ket ikkinchi marta ushbu sovrinni qo‘lga kiritdi. Faqat Tyerri Anri, Yan Rayt va Liam Bredi bunday natijani avvalroq uddalashgan.
Saka barcha musobaqalarda 12 ta gol bilan yakunlangan mavsumda "kanonirlar"ning eng yaxshi to‘purari bo‘ldi. Shuningdek, u 7 ta golli uzatmani amalga oshirdi.