Jurnalist Nikolo Skiraning xabar berishicha, "Chelsi" "Inter" himoyachisi Stefan de Vreyga qiziqmoqda.
Manbaga ko‘ra, 30 yoshli niderlandiyalik yozgi transfer oynasida Italiya klubini tark etishi mumkin. "Chelsi"da futbolchi "Real"ga o‘tgan Antonio Ryudigerning o‘rnini bosuvchi futbolchi sifatida ko‘rilmoqda.
2021/22 yilgi mavsumda de Vrey “Inter” safida 41 ta o‘yinda maydonga tushib, 1 ta gol urdi va 1 ta golli uzatmani amalga oshirdi. Transfermarkt.com portali futbolchining narxini 28 million yevroga baholamoqda.
Himoyachining italyan klubi bilan shartnomasi 2023 yilning iyun oyi oxirigacha amal qiladi.
