"Arsenal" "Lester Siti" bilan belgiyalik yarim himoyachi Yuri Tilemansning transferi borasida muzokaralar olib bormoqda, deya xabar beradi jurnalist Jeyms Benguyet.

Manbaga ko‘ra, "tulkilar" futbolchi uchun 28 million yevro talab qilmoqda, chunki uning klub bilan shartnomasi bir yildan keyin tugaydi. "Arsenal" vakillari allaqachon yarim himoyachining agenti bilan muzokara olib borishgan.

25 yoshli Tilemans o‘tgan mavsumda "Lester" safida barcha turnirlarda 50 ta o‘yinda maydonga tushib, 7 ta gol urdi va 5 ta golli uzatmani amalga oshirdi.