"PSJ" klubi tez orada yangi murabbiyini e’lon qiladi va u katta ehtimol bilan Zidan bo‘lishi mumkin. Bu haqda ishonchli insayder va jurnalist Daniel Riolo habar bermoqda.
Manbada ta’kidlanishicha mutaxassis va klub ortasida kelishuv olib borilmoqda. Yaqin kunlarda Zidanning jamoada ish boshlashi e’lon qilinishi kutilyapti. Daniel Riolo "PSJ" bilan yaxshi aloqalar o‘rnatgan jurnalistlardan biri hisoblanadi. Aynan u hammadan oldin Mbappe parijliklar bilan yangi shartnoma imzolashi haqida xabarlar tarqatgan edi.
Shuningdek, qatarlik jurnalist Muhammad Al-Kaabi ham Zidanni jamoa kutayotganiga ishora qilgan. U jamoa prezidenti Nosir Al-Helayfiyning yurtdoshi hisoblanadi.
Fransiyalik mutaxassisning o‘zi esa, bir-necha hafta oldin Parij jamoasini boshqarish rejalarida yo‘q ekanligini aytgan.