"ПСЖ" клуби тез орада янги мураббийини эълон қилади ва у катта эҳтимол билан Зидан бўлиши мумкин. Бу ҳақда ишончли инсайдер ва журналист Даниэль Риоло ҳабар бермоқда.
Манбада таъкидланишича мутахассис ва клуб ортасида келишув олиб борилмоқда. Яқин кунларда Зиданнинг жамоада иш бошлаши эълон қилиниши кутиляпти. Даниэль Риоло "ПСЖ" билан яхши алоқалар ўрнатган журналистлардан бири ҳисобланади. Айнан у ҳаммадан олдин Мбаппе парижликлар билан янги шартнома имзолаши ҳақида хабарлар тарқатган эди.
Шунингдек, қатарлик журналист Муҳаммад Ал-Кааби ҳам Зиданни жамоа кутаётганига ишора қилган. У жамоа президенти Носир Ал-Ҳелайфийнинг юртдоши ҳисобланади.
Франциялик мутахассиснинг ўзи эса, бир-неча ҳафта олдин Париж жамоасини бошқариш режаларида йўқ эканлигини айтган.
