"Arsenal" yozda "Lester" yarim himoyachisi Yuri Tilemansni sotib olishiga ishonmoqda. The Sun xabariga ko‘ra, "kanonirlar" "Lester" bilan shartnomasi tugashiga atigi bir yil qolgan belgiyalik futbolchini qo‘lga kiritish borasida kelishuvga erishmoqda.
Oldinroq Tilemans Chempionlar ligasida o‘ynaydigan jamoaga o‘tmoqchi ekanligi takidlangandi. Biroq, futbolchi allaqachon fikrini o‘zgartirgan va ushbu mavsum oralig‘ida "Arsenal"ga o‘tishga tayyor.
Tilemans 2019 yilda Fransiyaning "Monako" jamoasidan "Lester"ga o‘tgan edi.













