«Sassuolo» yarim himoyachisi Davide Frattezi jamoasini o‘zgartirishi mumkin, deya xabar beradi Calciomercato.

Manbaga ko‘ra, «Roma» sobiq yarim himoyachisini ortga qaytarmoqchi. Frattezi 2017 yilda Italiya poytaxtini tark etib, besh million yevro evaziga «Sassuolo»ga o‘tgan edi. Futbolchining shartnomasi 2026 yilgacha mo‘ljallangan.

Yarim himoyachini «bo‘rilar»dan tashqari «Inter» va «Milan» ham kuzatib bormoqda.

O‘tgan mavsumda 22 yoshli italiyalik «qora-yashillar» safida barcha turnirlar doirasida 38 ta o‘yinda maydonga tushib, 4 ta gol urdi va 4 ta golli uzatmani amalga oshirdi.