"Liverpul" "Benfika" bilan hujumchi Darvin Nunyesning transferi borasida kelishuvga erishdi, deb xabar beradi A Bola.
Ingliz klubi 22 yoshli urugvaylik uchun 80 million yevro to‘laydi. Shuningdek, bonus to‘lovlari miqdori qo‘shimcha ravishda 20 million yevroni tashkil qilishi mumkin.
Futbolchining o‘zi "qizillar" bilan 2027 yilgacha shartnoma imzolaydi.
Nunyes o‘tgan mavsumda "Benfika" safida 41 ta o‘yinda 34 ta gol urdi va 4 ta golga assistentlik qildi. Uning klub bilan shartnomasi 2025 yilning 30 iyuniga qadar mo‘ljallangan.