Yarim himoyachi Serxi Roberto "Barselona" bilan shartnomasini uzaytirdi. Klub sayti xabariga ko‘ra, yangi shartnoma 2023 yilning 30 iyuniga qadar amal qiladi.
Manbaga ko‘ra, yarim himoyachining yangi tovon puli 400 million yevroni tashkil qildi.
Avvalroq Roberto faoliyatini "Kamp Nou"da davom ettirish uchun maoshini jiddiy qisqartirgani haqida xabar berilgandi.
Eslatib o‘tamiz, futbolchi "Barsa" tarbiyalanuvchisi hisoblanadi, u 2010/11 yilgi mavsumda asosiy jamoada debyut qilgan.
2021/22 yilgi mavsumda futbolchi jamoasi safida 12 ta o‘yinda maydonga tushib, 2 ta gol urdi va 1 ta golli uzatmani amalga oshirdi.
