Ярим ҳимоячи Серхи Роберто "Барселона" билан шартномасини узайтирди. Клуб сайти хабарига кўра, янги шартнома 2023 йилнинг 30 июнига қадар амал қилади.
Манбага кўра, ярим ҳимоячининг янги товон пули 400 миллион еврони ташкил қилди.
Аввалроқ Роберто фаолиятини "Камп Ноу"да давом эттириш учун маошини жиддий қисқартиргани ҳақида хабар берилганди.
Эслатиб ўтамиз, футболчи "Барса" тарбияланувчиси ҳисобланади, у 2010/11 йилги мавсумда асосий жамоада дебют қилган.
2021/22 йилги мавсумда футболчи жамоаси сафида 12 та ўйинда майдонга тушиб, 2 та гол урди ва 1 та голли узатмани амалга оширди.
