Daniya yarim himoyachisi Kristian Eriksen Millatlar ligasi doirasida Xorvatiyaga (0:1) qarshi o‘yindan so‘ng o‘z fikrlarini bildirib o‘tdi.
"Biz kurashdik, qiyin o‘yin bo‘ldi. Birinchi bo‘limda to‘pga juda ko‘p egalik qildik va golli vaziyatlar yaratdik, shunchaki, hisobni ochish uchun oxirgi zarba yetishmadi.
Modrich va Kovachich tushgach, to‘p bilan bog‘liq vaziyat o‘zgardi va biz uni qaytarish uchun yetarlicha faol o‘ynamadik", - dedi Eriksen.