"Kalyari" hujumchisi Jovanni Simeone "Verona"ga o‘tishi mumkin, deya xabar beradi AS.
Manbaga ko‘ra, Verona klubi jamoada ijara asosida o‘ynagan 26 yoshli argentinalik futbolchini sotib olmoqchi. Shu bilan birga, futbolchiga "Vest Xem" va "Arsenal" qiziqish bildirmoqda.
Simeone o‘tgan mavsum A Seriyada 36 ta o‘yinda maydonga tushib, 17 ta gol urdi va 6 ta golli uzatmani amalga oshirdi. Transfermarkt portali futbolchining narxini 17 million yevroga baholamoqda.