Angliya terma jamoasi o‘n yildan buyon Italiyani mag‘lub eta olmayapti.
Britaniyaliklar oxirgi marta Italiya ustidan 2012 yilning 15 avgustida o‘tkazilgan o‘rtoqlik uchrashuvida g‘alaba qozonishgan. O‘yin 2:1 hisobida yakunlangan.
O‘shandan beri jamoalar besh marta to‘qnash kelishgan: Italiya ikki marta g‘alaba qozongan (jumladan, Yevro-2020 finalida penaltilar seriyasida) va yana uch marta durang qayd etilgan - xuddi kechagi Millatlar ligasi o‘yinidagi kabi (0:0).
2012 yilgi g‘alaba britaniyaliklar uchun 10 ta o‘yin ichidagi yagona g‘alabadir: bu yerda Italiya 5 ta g‘alabaga erishgan, yana 4 marta durang qayd etilgan.
