«Barselona»ning fransiyalik yarim himoyachisi Usmon Dembele bu yozda erkin agent sifatida tumanli Albionga o‘tadi.

Daily Mail xabariga ko‘ra, 25 yoshli fransiyalik futbolchi Kataloniya klubi bilan yangi shartnoma imzolamagan, shu bois Dembele yozda tekinga Londonning «Chelsi» klubiga o‘tadi.

Eslatib o‘tamiz, bungacha matbuotda yarim himoyachi «PSJ» yoki «MYU»ga o‘tishi mumkinligi haqida xabarlar tarqalgan edi.

O‘tgan mavsumda Usmon Dembele «ko‘k-anorranglilar» tarkibida Ispaniya chempionatida 21 ta o‘yin o‘tkazdi. Fransiyalik futbolchi bitta gol urdi va 13 ta golli uzatmani amalga oshirdi.