«Marsel» «Arsenal» yarim himoyachisi Matteo Genduzi bilan shartnoma imzoladi, deya xabar beradi jurnalist Fabrisio Romano.

Manbaga ko‘ra, transfer summasi 10 milliondan 11 million yevrogacha bo‘ladi. Oldinroq Genduzi «Arsenal»ga qaytishni istamasligi haqida xabarlar tarqalgan edi.

23 yoshli fransiyalik futbolchi o‘tgan mavsumni ijara asosida «Marsel»da o‘tkazdi. O‘tkazilgan 55 ta o‘yinda Genduzi 5 ta gol urdi va 14 ta golli uzatmani amalga oshirdi.

Transfermarkt portali yarim himoyachining narxini 25 million yevroga baholamoqda.