Harri Keyn Angliya terma jamoasi bilan 2022 yilgi jahon chempionatida g‘alaba qozonishni istaydi.
«O‘tmishga nazar solish juda kulgili. O‘sha paytda [JCH-2018 oldidan] biz ijobiy natija haqida hech qanday umid qilmaganmiz.
Biz juda uzoq vaqtdan beri yirik turnirlarda yaxshi natija ko‘rsatmayapmiz. Lekin g‘alaba qozonish uchun moslashish to‘g‘ri ketmoqda. Har qanday turnirda har qanday jamoa g‘alaba qozonish haqida o‘ylaydi.
Menimcha, bu safar biroz boshqacha bo‘ladi. Biz JCH-2018 yarim finaliga chiqdik, Yevro-2020 finalida o‘ynadik. Balki bu turnirga favoritlardan biri sifatida borarmiz. Bu bosim va mas’uliyatning yana bir darajasi bo‘lib xizmat qiladi.
O‘tgan to‘rt yil davomida biz to‘siqlarni yengib o‘tdik. Biz o‘z tariximizni yozishda davom etamiz. Men jamoamga ishonaman», — deydi Keyn.
