“RB Leypsig” hujumchisi Kristofer Nkunku nemis klubi bilan shartnomasini uzaytirmoqchi, deb xabar beradi LVZ.

Manbaning xabariga ko‘ra, fransiyalik futbolchining kelishuvida 62 million yevro miqdoridagi tovon puli mavjud. Potensial xaridorlar keyingi transfer oynasida ushbu pul evaziga futbolchini sotib olishlari mumkin bo‘ladi.

Avvalroq hujumchiga “Milan”, “Chelsi” va “Manchester Yunayted” klublari qiziqish bildirayotgani haqida xabar berilgandi.

24 yoshli Nkunku o‘tgan mavsumda “Leypsig” safida 50 ta o‘yinda maydonga tushib, 35 ta gol urdi va 19 ta golga assistentlik qildi.