“РБ Лейпциг” ҳужумчиси Кристофер Нкунку немис клуби билан шартномасини узайтирмоқчи, деб хабар беради LVZ.

Манбанинг хабарига кўра, франциялик футболчининг келишувида 62 миллион евро миқдоридаги товон пули мавжуд. Потенциал харидорлар кейинги трансфер ойнасида ушбу пул эвазига футболчини сотиб олишлари мумкин бўлади.

Аввалроқ ҳужумчига “Милан”, “Челси” ва “Манчестер Юнайтед” клублари қизиқиш билдираётгани ҳақида хабар берилганди.

24 ёшли Нкунку ўтган мавсумда “Лейпциг” сафида 50 та ўйинда майдонга тушиб, 35 та гол урди ва 19 та голга ассистентлик қилди.