"Real"ning yangi futbolchisi Aureliyen Tchuameni hujumchi Karim Benzema va yarim himoyachi Luka Modrichni o‘zi uchun namuna deb bilishini tan oldi.

“Meni ilhomlantiradigan narsa, ular o‘z faoliyati davomida eng yuqori darajani saqlab qolishdi. Karim Benzema yoki hatto 36 yoshli va aql bovar qilmaydigan o‘yinga ega bo‘lgan Luka Modrich kabi o‘ynashga hamma ham kuch va iste’dodga ega emas", - dedi Tchuameni ijtimoiy tarmoqlarda.

36 yoshli Modrich o‘tgan mavsumda 45 ta o‘yinda maydonga tushib, 3 ta gol va 12 ta golli uzatmaga mualliflik qilgan. "Real Madrid" sardori, 34 yoshli Benzema o‘tgan mavsumda "Qirollik klubi" tarkibida 46 o‘yin o‘tkazib, 44 gol urgan va 15 golga assistentlik qilgan.