"Реал"нинг янги футболчиси Аурелиен Тчуамени ҳужумчи Карим Бензема ва ярим ҳимоячи Лука Модрични ўзи учун намуна деб билишини тан олди.
“Мени илҳомлантирадиган нарса, улар ўз фаолияти давомида энг юқори даражани сақлаб қолишди. Карим Бензема ёки ҳатто 36 ёшли ва ақл бовар қилмайдиган ўйинга эга бўлган Лука Модрич каби ўйнашга ҳамма ҳам куч ва истеъдодга эга эмас", - деди Тчуамени ижтимоий тармоқларда.
36 ёшли Модрич ўтган мавсумда 45 та ўйинда майдонга тушиб, 3 та гол ва 12 та голли узатмага муаллифлик қилган. "Реал Мадрид" сардори, 34 ёшли Бензема ўтган мавсумда "Қироллик клуби" таркибида 46 ўйин ўтказиб, 44 гол урган ва 15 голга ассистентлик қилган.
