Alvaro Odriosolaning «Fiorentina»dagi ijara muddati tugadi va futbolchi «Real Madrid»ga qaytdi. «Binafsharanglar» boshliqlari tezda 26 yoshli himoyachiga o‘rinbosar topdilar.
«Fiorentina» e’tiborini «Shaxtyor»ning braziliyalik himoyachisi Dodoga qaratdi. AS xabariga ko‘ra, Italiya klubi Ukraina jamoasi bilan kelishuvga erishgan va «Shaxtyor»ga 15 million yevro to‘laydi.
23 yoshli Dodo 2019 yilning yozida «Shaxtyor» futbolchisiga aylandi. O‘tgan mavsumda futbolchi «Shaxtyor» safida 26 ta o‘yinda qatnashib, 4 ta golga assistentlik qilgan. Uning transfer bozoridagi narxi 20 million yevroni tashkil qiladi.
